Recriwtio Clercod i Gyrff Llywodraethu

Mae’r Gwasanaeth Gwella Ysgolion Awdurdod Lleol (GGYALl) am benodi clercod i gyrff llywodraethu mewn nifer o ysgolion ar draws y rhanbarth

Oes gennych chi ddiddordeb mewn sut mae cyrff llywodraethu’n cefnogi gwaith ysgolion?

Hoffech chi ennill incwm ychwanegol ar gyfer gweithio yn y prynhawn/gyda’r hwyr o’ch cartref eich hun?

Hoffech chi ddatblygu eich sgiliau proffesiynol ac ychwanegu at eich CV?

Oes gennych chi’r gallu i wrando, gwneud nodiadau cyfarfod a dysgu sgiliau TG newydd?

Os felly, dyma gyfle cyffrous i chi gefnogi eich cymuned ysgol leol

Mae’r rôl yn cynnwys mynychu hyd at 6 chyfarfod corff llywodraethu’r flwyddyn fesul ysgol rydych yn clercio ynddi. Gan ddibynnu ar ddewis yr ysgol, gall cyfarfodydd fod yn rhai wyneb yn wyneb, yn rhithwir dros Microsoft Teams, neu’n gymysgedd o’r ddau fformat. Disgwylir y bydd clercod yn mynychu cyfarfodydd ym mha fformat bynnag y mae’r ysgol yn ei ddewis. Rôl y clerc ym mhob cyfarfod yw llunio cofnodion drafft o’r trafodaethau a gafwyd/penderfyniadau a wnaed, a darparu arweiniad ar weithdrefnau lle y bo angen.

Telir £95 fesul cyfarfod.

Nid oes angen unrhyw wybodaeth flaenorol arnoch am y broses, oherwydd darperir hyfforddiant llawn am ddim a bydd cymorth parhaus i’ch helpu gyda’ch gwaith.

Cynhelir y rhan fwyaf o gyfarfodydd Cyrff Llywodraethu yn y prynhawn/gyda’r hwyr, felly mae modd gwneud y swydd hon ynghyd ag ymrwymiadau gwaith eraill.

Mae yna swyddi gwag ar hyn o bryd mewn ysgolion cynradd ac uwchradd, yn y pedwar awdurdod lleol, Blaenau Gwent, Sir Fynwy, Casnewydd a Thorfaen.

Mae croeso i siaradwyr Cymraeg

Os oes gennych ddiddordeb mewn bod yn glerc i gorff llywodraethu, cysylltwch â Kim Houghton (kim.houghton@lasis.org.uk) am ragor o wybodaeth.